Nýju bestu vinir okkar í Mudslinger á Akureyri héldu mót til styrktar Berginu 💚
Við þökkum þeim innilega fyrir að standa fyrir þessum frábæra viðburði og öllum sem tóku þátt og lögðu sitt af mörkum. Allur ágóði af mótinu rennur beint í starfsemi Bergsins á Akureyri, þar sem nú er opið fjóra daga vikunnar.
Bergið er frjáls félagasamtök sem bjóða ungu fólki á aldrinum 12–25 ára gjaldfrjálsa ráðgjöf. Styrkur sem þessi skiptir okkur gríðarlega miklu máli og hjálpar okkur að vera áfram til staðar fyrir ungt fólk þegar það þarf á stuðningi að halda.
Ef þig vantar einhvern til að tala við, eða þekkir einhvern sem gæti nýtt sér þjónustuna, er hægt að óska eftir tíma á bergid.is og við finnum með þér tíma.
Takk, Mudslinger, fyrir að standa með ungu fólki á Akureyri! 💚